Maxfiylik siyosati

“PRIME FOODS” MChJ tomonidan tasdiqlangan va qabul qilingan 22.11.2025

Maxfiylik siyosati qoidalari (Nizom)

1. Umumiy qoidalar

1.1. Ushbu Nizom 22.11.2025 sanasidagi tahririda “PRIME FOODS” mas’uliyati cheklangan jamiyati (bundan keyin «Jamiyat» deb yuritiladi) tomonidan qabul qilingan bo‘lib, Jamiyatning veb-sayti/mobil ilovasiga (bundan keyin «Sayt/Ilova» deb yuritiladi) tashrif buyuruvchilar va xaridorlarning (bundan keyin «Xaridor» yoki «Subyekt» deb yuritiladi) shaxsga doir ma’lumotlari (SHDM)ning maxfiyligi va himoyasini ta’minlash maqsadida ishlab chiqilgan va tasdiqlangan.

1.2. Nizom Jamiyat tomonidan Xaridordan Sayt/Ilova orqali yoki Jamiyat bilan boshqa har qanday shaklda aloqa qilishda olinishi mumkin bo‘lgan barcha ma’lumotlarga nisbatan amal qiladi.

1.3. Xaridor Sayt/Ilovadan foydalanish va (yoki) o‘z SHDMni taqdim etish orqali ushbu Nizom shartlariga muvofiq SHDMni qayta ishlashga so‘zsiz roziligini bildiradi.

1.4. Jamiyat O‘zbekiston Respublikasining “Shaxsga doir ma’lumotlar to‘g‘risida”gi Qonuni talablariga rioya etgan holda SHDMga ishlov berishga majbur.

2. Atamalar va ta’riflar

Ushbu Nizomda quyidagi asosiy tushunchalar qo‘llaniladi:

Shaxsga doir ma’lumotlar (SHDM): Muayyan jismoniy shaxsga taalluqli bo‘lgan yoki uni identifikatsiya qilish imkonini beradigan, elektron tarzda, qog‘ozda va (yoki) boshqa moddiy jismda qayd etilgan axborot.

Shaxsga doir ma’lumotlar subyekti (Subyekt): Shaxsga doir ma’lumotlar o‘ziga taalluqli bo‘lgan jismoniy shaxs (Xaridor).

SHDMning maxfiyligi: Subyektning roziligisiz yoki boshqa qonuniy asos mavjud bo‘lmagani holda SHDMni oshkor etish va tarqatishga yo‘l qo‘yilmasligi bo‘yicha rioya etilishi majburiy bo‘lgan talab. Jismoniy shaxslarga taalluqli shaxsiy ma’lumotlar maxfiy axborot toifasiga kiradi.

SHDMga ishlov berish: SHDMni yig‘ish, yozish, tizimlashtirish, to‘plash, saqlash, aniqlashtirish (yangilash, o‘zgartirish), ulardan foydalanish, ularni uzatish (tarqatish, taqdim etish, kirish), egasizlantirish, bloklash, o‘chirish, yo‘q qilishni o‘z ichiga olgan har qanday harakat.

SHDMni yo‘q qilish: Amalga oshirilishi natijasida SHDMni tiklash imkoni bo‘lmay qoladigan harakatlar.

Uchinchi shaxs: Subyekt, mulkdor va (yoki) operator (Jamiyat) bo‘lmagan, ammo SHDMga ishlov berish bo‘yicha holatlar yoki munosabatlar orqali ular bilan bog‘liq bo‘lgan har qanday shaxs.

Oferta: Shartnomaning barcha shartlarini o‘z ichiga olgan, unga ko‘ra taklif qilayotgan shaxsning taklifiga javob beradigan har qanday shaxs bilan shartnoma tuzish yuzasidan irodasini bilish mumkin bo‘lgan taklif (ommaviy shartnoma).

3. Jamiyat haqida ma’lumotlar (mulkdor va/yoki operator)

Jamiyat: “PRIME FOODS” MCHJ

• To‘liq nomi: “PRIME FOODS” mas’uliyati chegaralangan jamiyati (MCHJ).

• STIR: 306 641 020.

• Joylashgan manzili (yuridik manzil): Toshkent sh., Mirzo Ulug‘bek t., Sayram MFY, Sayram ko‘chasi, 7-tor ko‘chasi, 58-uy.

• Pochta manzili: Toshkent sh., Mirzo Ulug‘bek t., Sayram MFY, Sayram ko‘chasi, 7-tor ko‘chasi, 58-uy.

• Elektron pochta: Elektron pochta manzili.

• Telefon: +998 95 115 70 30.

4. Qayta ishlanadigan ma’lumotlar tarkibi

Jamiyat, Xaridordan tovarlarni sotib olish (chakana savdo) va umumiy ovqatlanish xizmatlarini ko‘rsatish maqsadlarida quyidagi SHDMni yig‘ishi va qayta ishlashi mumkin:

4.1. Identifikatsion ma’lumotlar:

• Familiya, ism va otasining ismi (F.I.O.).

• Jinsi.

• Tug‘ilgan sanasi.

4.2. Aloqa ma’lumotlari:

• Mobil telefon raqami.

• Yetkazib berish manzili.

• Elektron pochta manzili.

4.3. Moliyaviy ma’lumotlar:

• To‘lovlarni amalga oshirish uchun zarur bo‘lgan ma’lumotlar (to‘lov tizimlari operatorlariga uzatiladi).

4.4. Avtomatik ma’lumotlar (Cookie fayllar):

• Saytga tashrif buyurish vaqti, ko‘rilgan tovarlar/xizmatlar, buyurtmalar tarkibi va holati to‘g‘risidagi anonim statistik ma’lumotlar.

4.5. Boshqa ma’lumotlar:

• Oziq-ovqat mahsulotlarining iste’mol xossalari va sifatiga oid murojaatlar yoki shikoyatlar doirasida kelib tushgan ma’lumotlar.

• Jamiyatning o‘z vazifalarini bajarishi uchun zarur va yetarli bo‘lgan boshqa SHDMlar.

5. Qayta ishlash maqsadlari

Jamiyat Xaridorlarning SHDMni faqat aniq va oldindan belgilangan maqsadlarda qayta ishlaydi. Xususan, SHDMga ishlov berishning asosiy maqsadlari quyidagilardan iborat:

5.1. Shartnoma majburiyatlarini bajarish:

• Xaridorga Sayt/Ilovaga va shaxsiy kabinetga kirishga ruxsat berish.

• Tovarlarni (oziq-ovqat mahsulotlarini) sotish, buyurtmalarni qayta ishlash va rasmiylashtirish.

• Tovarlarni yetkazib berishni (kurerlik xizmatlarini) tashkil etish.

• To‘lovlarni qabul qilish va hisob-kitoblarni amalga oshirish.

• Xaridorlarning tovarlar sifati va xizmat ko‘rsatish bo‘yicha e’tirozlarini qabul qilish va ko‘rib chiqish.

5.2. Tadbirkorlik faoliyatini yuritish:

• Jamiyat va uning affillangan shaxslari tomonidan reklama-axborot materiallarini tarqatish va marketing aksiyalarini o‘tkazish (Subyektning roziligi bilan).

• Sayt/Ilovani takomillashtirish va yaxshilash.

• Xaridor tomonidan taqdim etilgan ma’lumotlarning ishonchliligini tasdiqlash.

5.3. Qonuniy talablarni bajarish:

• O‘zbekiston Respublikasi qonunchiligi, jumladan, "Shaxsga doir ma’lumotlar to‘g‘risida"gi Qonun va "Iste’molchilarning huquqlarini himoya qilish to‘g‘risida"gi Qonun talablarini bajarish.

• Qonun hujjatlarida nazarda tutilgan hollarda davlat organlariga, shu jumladan huquqni muhofaza qiluvchi va nazorat qiluvchi organlarga ma’lumotlarni taqdim etish.

• Statistik yoki boshqa tadqiqot maqsadlarida SHDMga ishlov berish (bunda ular majburiy ravishda egasizlantirilishi shart).

6. SHDMga ishlov berish tartibi va shartlari

6.1. Rozilik olish: SHDMga ishlov berish Subyektning roziligi bilan amalga oshiriladi, qonunda nazarda tutilgan hollar bundan mustasno. Ommaviy ofertani (shartnomani) qabul qilish (akseptlash) Subyektning SHDMga ishlov berishga roziligi deb hisoblanadi, agar ofertada ishlov berish maqsadlari aniq ko‘rsatilgan bo‘lsa.

6.2. Rozilikni qaytarib olish: Subyekt yoki uning qonuniy vakili SHDMga ishlov berish to‘g‘risidagi roziligini istalgan vaqtda qaytarib olish huquqiga ega. Ariza (xabarnoma) kelib tushgan kundan keyingi ish kunidan kechikmay SHDM yo‘q qilinishi lozim.

6.3. Uchinchi shaxslarga uzatish: Jamiyat SHDMni uchinchi shaxslarga (masalan, kurerlik xizmatlari, to‘lov tizimlari) faqat buyurtmani bajarish uchun zarur bo‘lgan hollarda yoki Subyektning roziligi mavjud bo‘lganda uzatishi mumkin. Qonunda yoki shartnomada nazarda tutilmagan hollarda uchinchi shaxslarga berilmaydi.

6.4. Qayta ishlash muddati: SHDMni qayta ishlash muddati ularni yig‘ish va ularga ishlov berish maqsadiga erishish sanasi bilan belgilanadi. Qayta ishlash maqsadlariga erishilgandan so‘ng SHDM Jamiyat tomonidan uch kun ichida yo‘q qilinishi lozim.

6.5. Axborot xavfsizligi: Jamiyat SHDMni ruxsatsiz foydalanishdan, yo‘q qilish, o‘zgartirish, bloklash, nusxa ko‘chirish, tarqatish va boshqa noqonuniy harakatlardan himoya qilish bo‘yicha zarur huquqiy, tashkiliy va texnik choralarni ko‘radi. Jamiyat SHDMning yaxlitligi, but saqlanishi va maxfiyligiga rioya etilishini ta’minlashi shart.

6.6. Transchegaraviy uzatish: SHDMni O‘zbekiston Respublikasi hududidan tashqariga (transchegaraviy uzatish) Subyektning huquqlari bir xilda himoya qilinishini ta’minlovchi chet davlatlar hududiga amalga oshiriladi.

7. Subyektning huquqlari

Xaridor (SHDM Subyekti) quyidagi huquqlarga ega:

7.1. Jamiyatda o‘z SHDM va ularning tarkibi mavjudligini bilish.

7.2. Jamiyatdan SHDMga ishlov berish to‘g‘risidagi axborotni (ishlov berish asoslari, maqsadlari, usullari, saqlash muddatlari va h.k.) so‘rov bo‘yicha olish.

7.3. SHDMga ishlov berishga berilgan rozilikni istalgan vaqtda qaytarib olish. 

7.4. Agar SHDM to‘liq bo‘lmasa, eskirgan, noaniq yoki ishlov berish maqsadlari uchun zarur bo‘lmasa, Jamiyatdan ularga ishlov berishni vaqtincha to‘xtatib turishni talab qilish.

7.5. SHDMga nisbatan o‘z huquqlari va qonuniy manfaatlarini himoya qilish masalalari yuzasidan vakolatli davlat organiga yoki sudga murojaat etish.

8. Yakuniy qoidalar

8.1. Jamiyat zaruratga qarab, shuningdek O‘zbekiston Respublikasining SHDMni himoya qilish va ularga ishlov berish sohasidagi amaldagi qonunlariga o‘zgartirishlar kiritilgan taqdirda ushbu Nizomga o‘zgartirishlar yoki qo‘shimchalar kiritishga haqlidir.

8.2. Ushbu Nizom talablarining buzilishida aybdor bo‘lgan shaxslar qonunchilikda belgilangan tartibda javobgar bo‘ladilar.